按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
美国7月份CPI升0。4％ （6月份升0。2％），如唔包括食物及能源，核心CPI只升0。2％ （6月份升0。3％）。核心CPI升幅放缓，令9月20日再加息压力大减。7月份能源价格升2。9％ （6月份降0。9％），汽油价格升5。3％ （6月份降1％），系7月份CPI只升0。4％嘅最大理由，占CPI40％嘅房租上升亦系另一理由。7月份CPI按年升幅虽然上升4。5％，但因核心CPI升幅放缓，市场即刻松一口气。
7月美国房屋建造跌2。5％，达年率一百七十九万五千间；新批合约更跌6。5％，系1999年9月最少，代表美国楼市进一步放缓，理由系7月楼按息率三十年期为六厘八，因而产生压力。估计美国第三季GDP升2。7％（第二季2。5％）；相信九十天期利率五厘二五已见顶（系咪值得买股票又系另一回事）。过去出现Boom嘅范畴，例如石油股及资源股都在回落中。第二季美国楼市有二十九个州销量减少，其中跌幅最大系亚里桑那、佛罗里达及加州，分别下跌26。9％、26。7％及25。3％；超过十七个州销量下跌达双位数。只有四个州销量有双位数上升，就系阿拉斯加升48。6％，其余系阿肯色州、德州及卡罗来纳州，都同拥有天然资源有关。
CRB商品指数由1999年嘅183点升至最近高点403点，其中升幅最大系原油价，由1998年十点七五美元升至今年七十八点五美元，升幅730％。黄金由1999年嘅二百五十二美元升至今年5月七百三十美元，升幅289％，之后点样便木宰羊。
我老曹从前习惯同朋友交换投资心得，互相比拚〃最好嘅投资策略〃；近年呢类聚会大量减少，理由系今天股票市场需要嘅再唔系〃共同理念〃而系〃独立思考〃。例如2000年3月我老曹对科网股嘅态度，发现当时自己几孤独；2003年7月对豪宅嘅睇法，亦难得到别人共鸣；至于对黄金嘅睇法，连最好嘅朋友亦唔支持……。孤身走我路，或者系作为成功投资者必须忖出嘅代价。今年6月13日恒生指数15200点，曾跌穿二百五十天移动平均线，唔少分析员认为系熊市重临，我老曹却认为系绝佳入市讯号（晌上落市中跌穿二百五十天线不但唔系出货讯号，反而系入货讯号）【图】。至于今天恒指创新高亦唔值得高兴。值得注意嘅系，恒指已抛离二百五十天线11。6％ （5月8日恒指17328点时，抛离二百五十天线15。1％）如参考5月8日情况，恒指现水平上升空间好有限。由6月13日至今，恒指已连续上升八个星期，睇落缺乏动力上破2000年3月18398高点。至于喺边一点见顶回落，只有事后才知道。上月我老曹分析时曾指出8月恒指可创近年新高，今天已出现，面对〃周期性〃睇法（（cyclically speaking）未改变，尤其呢次升市集中喺大企业股身上，二线股表现大部分落后恒指，似寻顶大于另一升市开始。
金价响1999年8月见二百五十二美元，喺2001年3月见二百五十七美元，形成双底后所拉出嘅上升轨至今未破。5月份见七百三十美元，因过分抛离上升轨而调整，一度跌至五百三十美元才反弹，但唔代表乜嘢。
以下为美国CPI受控制讯号：一、油价跌穿四十五美元；二、金价跌穿五百三十美元；美国CPI升幅才受控制，家吓言之过早。美国经济无可避免进入滞胀期（stagflation），喺滞胀期股市表现缺乏方向，只能玩拣股游戏，即未来纯利可上升嘅股份，纯利无法上升嘅股份无投资价值。响9月20日前，值得担心嘅数据仲有好多。
愈嚟愈肯定经济进入滞胀期，睇好睇淡两不宜，但投资要格外小心。大市继续玩〃拣股〃游戏（stock picking）；楼价只会呆滞而非大跌。股市一如超市，里面乜都有，至于投资成绩就睇你嘅拣股成绩。股票市场有如战场，有人名成利就，有人损失惨重。今年航空股表现及零售股表现令人失望。
联华超市（980）股价回落，因2004年12月放宽外资进入，以履行入世承诺，形成所有零售业皆大幅扩张，结果压缩咗获利率，睇嚟内地零售业将有一番恶斗。中国移动（941）中联通（762）、内地银行股及保险股则表现不俗。至于资源股，上半年表现唔错，5月之后表现麻麻。
控制土地供应楼价易升难跌
事后孔明咁讲，如巧妙地利用衍生工具，例如5月份买认沽期权、6月份买认购期权兼选中对象，8月份已可以开香槟！任何产品都有本身优点同缺点。衍生工具嘅优点系畀你巨大杠杆比率而同时将风险减至最低（最大损失系一无所有，唔同做孖展炒股票会上身），缺点系时间值对持有者不利，时间一天天过去，如你买入嘅衍生工具所代表股份唔升，就系咁先。点样巧妙运用衍生工具？必须充分掌握其优点同缺点。顺带一提系，9月3日研讨会第一天已派出二千多张入场券，但仍有千多张，相信本周内可派晒，多谢各位支持。
澳元8月2日加息后，消费信心跌至五年内低点，跌幅系十七年内最大；7月新屋销售降10。5％，系十七个月内最低。睇嚟澳洲经济正进入放缓期。
中国固定资产投资1月至7月仍升30。5％，达四万四千八百亿元人民币，较1月至6月升幅31。3％有所放缓；经济放缓期系咪7月开始？一个月仍未作得准。
中国银监会要求内地银行进一步收紧房地产贷款，以防投资激增，导致日后供应过剩。
我老曹上半年同投资界倾偈，我老曹话〃内地房地产除上海外仍可睇好〃。朋友话我老曹唔懂中国政策。今年已过咗七个多月，中央调整房地产政策唔少已出台，但内地房地产又点？假设政府肯大量供应土地，楼价唔跌才怪！1980及81年香港政府大量推出土地，引发1982至84年楼价回落，由于巧遇1982年9月中国政府宣布收回1997年7月香港主权，市场分析认为受政治因素影响，而忽视1980、81年香港政府大量卖地嘅客观因素。反之，1991至97年港英政府一再宣布管制香港楼市方法，由于受中英联合声明所规限，港府无法增加土地供应，结果香港1991至97年楼价除因1994年利率上升而令楼价下调外，其余年份皆上升！今天睇番中国楼市：一、利率上升极之有限；二、政府不但冇增加土地供应，反而控制土地供应。喺上述两大前提下，内地房 地产价格仲系易升难跌，唔好再话我老曹唔懂内地政策。
8月15日国家统计局公布，今年7月份全国七十个大城市房屋售价较去年同期升5。7％，较6月份升0。1％；新建商品住房升6。7％（较6月份升0。1％），经济适用房及高档住房分别升4。7％及8。9％，普通住房上升5。5％。新建住房楼价升幅，最大系深圳升13。6％、北京升11。1％、广州升9％；下降城市有上海、丹东及温州皆不足1％。二手住房升幅最大系深圳升14。9％、大连升14。55％、郑州升12。8％。后市展望，唔同城市有唔同表现。例如1997年4月北京允许外省市人晌北京购买及租赁商品房以嚟，申领〃外省份个人在京购房批准通知单〃由1997年4月嘅三百五十份，增至今年1月嘅八千五百二十九份；成交套数由一百一十二套，增至六千六百一十三套；由过去市场占有率不足2％，到今年占10％。北京每天流动人口三百七十万以上，长期留响北京找搵工或建立机构嘅人占50％，其中一半打算响北京买房子。外省人喺北京买房子以高档公寓、别墅最多，占北京已售高档房50％，一般系买两套房或以上，一套自住、一套收租；以朝阳区最多，其次系海淀区。可以话外省人喺北京置业，成为咗支持北京楼价嘅主因。如无意外，类似美国嘅情况会出现，即边个城市经济好，边个城市房价涨；一旦涨幅太大（例如上海），又会出现调整。
台湾经济令人担心
台湾第二季GDP升4。5％（第一季升4。93％），主因系台湾银行减个人信贷，估计全年GDP增长率4。4％，不但落后于中国大陆嘅10。1％，更落后于香港嘅6。5％，甚至不及新加坡嘅6。1％。台湾人口二千三百万，第二季信用卡呆坏账达三百四十六亿元新台币（约八十五亿八千万港元），较一年前升四倍，台湾银行只有收紧信贷，令台湾零售市场第二季营业额跌30％，香港喺台湾有零售业务嘅上市公司亦受影响；加上私人投资不足、政府陷入政治危机，下半年台湾GDP增长率估计只有4％。台湾经济展望令人担心。
交大科技（300）停牌。
越秀房讬（405） 8月24日；中国海淀（256）、金利通（8256）、恒富控股（6