按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
交大科技（300）停牌。
越秀房讬（405） 8月24日；中国海淀（256）、金利通（8256）、恒富控股（643）、第一拖拉机（038）、理文集团（746）、日本亚太事业（603） 25日；中航科工（2357）、禹铭投资（666）、中国人寿（2628）、中国建材（3323）、东风集团（489）、洛阳玻璃（1108）、东方有色（230） 28日；汉思能源（554 ）、浙江沪杭甬（576） 29日公布业绩。
曹仁超
PDF原文：
原序号：282序号：
32
标题：
万七以上博唔过
来源：
信报
发布日期：
2006…08…18
全文：
8月17日，周四。恒生指数跌77。98，收17373点；成交二百七十三亿六千四百多万元。8月期指收17408点，跌54点。恒指表面上同5月8日指数差唔多，但个别股份股价变化却好大【表】。表现最出色系中移动（941），跑赢大市11。18％，其次系中海油（883），跑赢5。8％；国泰航空（293）跑赢4。23％。表现最差系德昌电机（179），受铜价大升拖累，跑输大市17。97％：九仓（004）跑输12。33％；招商局国际（144）跑输10％。今时今日拣股最重要；至于非恒指成分股变化更大。换言之，同样跟恒生指数，所揸股份互异，便会产生唔一样嘅后果。拣股唔炒市，后市仲喺咁样。
美消费放缓影响德昌招商局
今年至今为止，道指工业平均指数喺11000点上上落落共十八次。各位如果市好睇好、市淡睇淡，保证你今年好头晕。我老曹系趋势追随者，唔系炒家，请唔好问我老曹明天个市会点？因为我老曹唔知！今年投资策略系5月出货（Sell in May），6月买番，因为跌穿二百五十天移动平均数之时，分析员通常过分睇淡。今天恒生指数最高见17506点，系咪应该减持？要事后才知道。
今年5月开始二线股表现唔及大价股，令升降指数不断回落。上述情况反映呢次恒生指数创新高，不但唔系进一步睇好讯号，反而要小心！虽然美国CPI核心指数只升0。2％（6月份升0。3％），但CPI上升0。4％ （6月份升0。2％），未确定通胀率已受控制，只系畀联储局多D空间可以再睇定D，毋须急于响9月20日加息。从金价及油价表现睇，亦唔排除加息周期已完成，但上述亦唔系乜嘢好消息。过去历史证明，自停止加息后，只有1995年嗰次系入货讯号，其余都系出货讯号。美国GDP进入低增长期，CPI有较高增长，形成前景唔明朗。如美国消费增长率减慢，对中国境内工业股影响系点？内地工业股过去已承受原材料价格、工资压力及运费上升嘅压力（今年工资升幅约15％），如再加上订单数量减少，今年圣诞节肯定苦过DD；上述影响航空业前景，亦系恒指成分股中德昌电机同招商局国际表现咁差嘅理由。至于九仓表现咁曳，相信系商铺租金见顶嘅讯。
美国短期利率五厘二五；加上美国房产喺一年前已开始下调，但今年7月汽油价格上升，上述利率唔算过高，亦唔算偏低，已足够令美国经济开始软着陆。今年上半年美国人工资仍升8。7％，标普五百间上市公司第二季纯利上升15％，美国十年期债券孳息率6月份见五厘二五后，依家已回落到四厘九。从债市睇，相信软着陆已开始；如再睇5月份起中小型服份嘅表现，股票市场亦为软着陆做准备工夫。未来美国GDP增长率估计只有2。5％左右。
6月13日至今恒生指数上升，应该系反弹，投资策略宜保守。喺恒指万七点以上，风险大于回报率，博唔过！睇番附表，6月13日至今嘅反弹，只有少数地产股能打破5月8日高点，大部分地产股股价仍低于今年5月8日高价，此乃香港物业市道转弱嘅讯号。除写字楼价格外，其余香港物业售价已从高峰回落。
虽然美元加息周期可能完成，但欧罗去年12月起至今加息共四次，依家利率三厘，加息周期未完成。至于日本，今年7月14日刚开始加息至零点二五厘，加息日子仍十分长。换言之，全球加息周期未完，如欧罗同日圆再加息，估计年底美元汇价将见13。2美元兑1欧罗及113日圆兑1美元，美元弱势可令美国CPI上升速度喺年底前唔会慢下来。中国人民币年底前估计亦再加息零点二七厘，即未来楼按贷款利率将超过六厘（因今年4月28日加零点二七厘未见功效），估计下一次人民币不但加贷款利率，同时亦加存款利率，至于能否冷却内地GDP增长率？木宰羊。
洛克菲勒令石油大量普及
7月份美国CPI升0。4％，即美国通胀率仲喺上升而非回落，只系核心CPI（剔除油价及食品）才回落。但一般人感受到嘅系通胀，唔系核心CPI（除非你系深山大野人，唔用油、唔食嘢），即使以核心CPI增长率计系2。7％。高出贝南奇要求嘅1至2％。股市短期上升，莫名其土地堂。
8月11日前欧洲央行共出售三千二百万欧罗黄金（大约两吨黄金），另有一百六十吨黄金喺9月30日前推出市场。欧洲央行似乎等候高价出售黄金！今年第二季投资者共吸纳二十六亿美元嘅黄金（去年同期为十五亿美元），约为一百三十吨（去年同期一百零九吨）。呢批高价入货嘅投资者未来唔知会唔会转为抛售，令黄金前景较不明朗。
嚟自巴西生产嘅乙醇及嚟自加拿大嘅油砂产量，能否改变未来油价方向？将决定未来能源股命运。不过，美国汽油价六十美仙一加仑及揸住架SUV通山跑嘅日子渐成过去！嚟自中国及印度嘅石油需求早已改变全球原油供求，未来石油高价系咪止于七十八点五美元一桶？1980年起嘅石油供应过剩期1999年结束，未来十五年系石油供不应求年。加拿大有一万七千亿至二万五千亿桶原油蕴藏量，但属于唔易开采，为油、砂、水及泥嘅混合体，只有20％喺表层，此所以加拿大嚟自油砂嘅产量只有二百五十万桶一天（除非开采科技有新突破）。嚟自中国及印度嘅新需求，令全球石油需求按年率2％速度上升。至于将植物转为能源嘅技术，亦需要科技新突破才能真正大量生产。去年美国《The Energy Policy Act》通过，要求汽油商喺2012年前响汽油内嘅乙醇增加一倍（依家乙醇售价三点四美元一加仑，较汽油贵20％；所产生能量只及无铅汽油三分二，即相等于每加仑无铅汽油五点一美元，系无错汽油售价嘅一倍）。
1973年石油危机后，各国发展替代能源。欧洲发电厂大量改用核电，其他国家改为以煤发电，产生空气污染问题；至于其他替代能源，有一样较石油更方便、更便宜及更清洁。三十三年过去，人类响呢方面未见有太大突破，1960年伊朗政治事件及依家嘅伊拉克事件，令石油危机又再出现。
工业革命后，煤成为能源主力，直至十九世纪内燃机发明，能源渐转为依赖石油。令石油大量普及使用嘅功臣系俄亥俄州商人洛克菲勒，佢创立嘅标准石油公司，令全国汽油达到一定标准方便使用，并透过发行新股收购全美国其他石油公司，不但令全美嘅石油标准化，甚至将石油垄断，令用家响美国各地都可获“标准石油”供应，引发石油市场繁荣期。如果冇洛克菲勒，石油发展史可能系另一个故事。今天全球政府反垄断，当年如果冇洛克菲勒为石油订下标准，透过收购垄断石油供应及稳定油价，令石油工业蓬勃发展，今天石油史便可能改写，世界上甚至唔会有汽车工业蓬勃期。随着中国及印度工业化，石油供应已不胜负荷，如欲全球经济出现另一繁荣周期，必须科技上有新突破才行。剔除政治风险，油价有机会回落到六十美元一桶，但如希望油价低于六十美元，除非美国明年经济出现衰退（9月期油已见七十点八九美元一桶，汽油成一点九七美元一加仑）。
战后婴儿出售投资维持生活
衍生工具嘅吸引力在于：一、提供巨大杠杆作用〔例如十五倍或以上）。二、杠杆作用将利润放大十倍或以上（例如股价升10％，衍生工具价格可升100％）。三、将风险降至最低（如睇错方向，最大损失系买衍生工具嘅本金，唔使承担做孖展或买期指嘅同样后果）。四、响跌市中唔使抛空仍可赚钱（例如买认沽期权）。有衍生工具嘅散户，不但喺升市中可赚钱，跌市中一样可赚钱。五、衍生工具唯一缺点系时间值，随着时间一点一滴过去，衍生工具价值亦随之下降，系“用钱买时间”。
日本股市1990年见顶（弱势