按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
）。基于经济渐渐进入低增长期，投资策略宜保守，即使8月8日宣布唔加息，估计投资者亦只会高兴一天，第二天因担心通胀率恶化，股市又再回落亦唔奇。
大摩、汇丰证券、UBS、柏克莱等大债券商都相信，本周二美国加息机会唔大，只有高盛同德银仍然维持睇加息，市场内只有21％分析员相信会加息。不过，认为9月份会加息至五厘半者占66％。美元汇价见1。2897兑1欧罗（两个月内低位），即外汇市场亦倾向相信本周二美元唔加息；雷曼兄弟、美国银行亦加入相信本周唔加息嘅行列。
造纸股进入回落周期
美国投资界开始睇淡造纸股，虽然消费者对纸张需求仍大（依家美国人每年消耗六百七十五磅纸张，亦系垃圾堆填区最大废物来源），主因系油价、木材、化工成本上升，正侵蚀造纸厂嘅纯利。全球最大造纸厂国际造纸P/E十六点九倍，股价早已回落。上述最终会否影响喺香港上市嘅造纸股股价表现？随着电脑化普及，唔少专家以为〃无纸化〃时代来临而一度睇淡造纸业，但我老曹使用电脑（可能年纪大，唔习惯在视屏上睇文章，往往列印出嚟才睇），结果发现用电脑不但冇节约用纸，反而消耗唔少纸张（我老曹每天消耗超过一百张），证明专家估计嘅〃无纸化〃时代不但未出现，用纸量反而因电脑普及而大增，形成近年造纸业一片兴旺。随看造纸厂大量喺中国兴建，估计今年渐达供求平衡，明年供过于求形成，造纸股股价将进 回落周期。大家投资造纸股前宜考虑上述因素。
1980年1月白银价见五十美元一盎斯，2001年年中银价曾见四美元一盎斯，跌幅远超过黄金，主因系白银一早已失去金融地位；加上数码相机普及，令白银需求减少（菲林业消耗25％白银产量）。不过，2001年年中至今年5月白银升幅惊人，由四美元一盎斯一度见十五美元，再跌回九点五美元，最近企于十二点五美元。理由系白银发行ETF喺股票市场上市后，共吸收咗十二亿美元（相等于全年白银产量15％），抵销菲林业需求下降（占全年白银产量25％）；分析家估计，明年白银喺ETF带动下可见二十美元一盎斯云云。同黄金唔同，金价上升可刺激金矿股产量上升，白银75％只系其他金属嘅副产品（主要嚟自黄金、锌及铜矿），好少人为白银投资而开采银矿。全球白银存量估计只有二百亿盎斯（市值约二千五百亿美元），可以讲非常少。未来银价好大程度上睇ETF销售情况而定，如投资者吸纳，银价仍可上升；但如从工业需求睇，估计十五美元一盎斯已差唔多。
日本人口老化经济难复苏
英国同日本都系岛国，但经济上大不相同。第一次世界大战后英国开始非工业化，今天英国GDP 71。4％嚟白服务业，伦敦已系全球金融中心，近年经济稳步上升；反之，日本战后重建成为工业大国，喺非工业化进度方面十分缓慢。至于金融业，八十年代曾一度成为全球三大金融中心之一自1990年地产泡沫爆破后，日本金融业迅速从国际舞台上后退；十六年后嘅今天，香港金融业地位早已超过东京，成为全球三大金融中心之一。今年3月唔少人认为日本经济终于见到晨曦，依家睇嚟可能又系高兴得太早，虽然过去八年日本金融界已努力整顿资产负债表，控制呆坏账，今天日本银行业情况较八年前已好好多，但喺今年7月取消零利率政策，令人担心2003年4月开始嘅日本经济复苏周期明年会否又再走下坡？当然唔系1990年式大跌，而系重演过去十年嘅情况（大好好不了，大坏亦坏不了）。日本经济结构转型速度仍慢，制绩业、出口业占GDP较大比重，2003年4月閞始嘅复苏主要由美国及中国GDP强劲增长所带动，日本透过出口产品到美国（更透过出口半制成品到中国）而带动GDP上升，一旦美国同中国GDP增长率放缓，日本经济便首当其冲。另一问题系太多外资睇好日股，依家外资共持有27％日本上市公司股票；反之，日本人却睇好外国债券，面对日圆升值，佢地亦只会抛售外币债券改揸日圆债券而非日股。过去十几年日本股票表现早已吓怕日本投资者，要日本人重新恢复对日股信心并唔容易。事实上，今年1月至8月欧洲股市表现较日经平均指数出色；加上日本人并唔积极消费，只有兴趣将产品出口，因此日本GDP中只有53％嚟自消费业（英国占74％，美国占78。5％ ）；日本外贸盈余嚟自日本人消费唔多，但外贸盈余高峰期早喺2004年出现，去年开始在萎缩中，相信有一天中国货出口到美国将超过日本！上述亦非大问题，最大问题系日本人口在迅速老化，唔少超过五十五岁嘅日本人仍在努力工作，难道四年后日本仲有大量六十岁老翁喺度工作？日本女性多数早已拒绝生育，2000至05年每一千个日本女性只生咗四个孩子！联合国统计数字，去年每四个日本人中有一个超过六十岁（估计到2050年每两个日本人有一个超过六十岁！）我老曹实在睇唔到日本可重返黄金岁月嘅理由！日本黄金岁月早已喺1990年前结束，当然每次出现低潮之后都有反弹，但唔代表另一上升周期开始。
各位认为未来投资大方向如何？
一、美国GDP以年率3。5％增长、中国GDP增长年率系9％。
二、美国人口二亿九千万、中国人口十三亿。
三、美国去年贸赤七千二百五十亿美元，去年中国同美国外贸盈余系二千零二十亿美元。
四、美国外汇储备四百亿美元，中国一千二百四十亿美元。
五、今年上半年美国人储蓄率接近零，中国人储蓄率34％。
六、美国人均收入三万六千美元，中国人均收入一千美元。
七、美元担心贬值，人民币担心升值。
八、依家中国人均收入一千美元，未来中国人均收入达二千美元，代表上升100％；如美国人多赚一千美元，只系上升2。78％。
高增长股在H股中寻
今天投资中国再非一线城市如深圳、广州、上海及北京，而系点样进军二线城市，深化投资才可以喺内地赚大钱！当然，内地除咗机会好多之外，亦系危机处处，任何新兴市场都系咁，中国亦唔例外。过去连毕非德投资七千万美元喺中石油（857），亦获利不菲，其他资金又点会唔涌入中国？我老曹唔知道明天香港H股会点，但长线而言，高增长股此中寻。未来H股唔系点样赚10％或20％，而系点样赚取100％至200％升幅。
好多人担心全球通胀，忘记十三亿中国人口自1978年起正逐步融入世界经济体系。今天仲有大量中国工人愿意为一千元人民币月薪而工作，大量低薪工厂令全球产品售价不断下跌，例如数码相机今年售价较去年降27％。改革开放二十八年，中国新一代接受教育嘅工人正加入工作行例，令中国出口产品由成衣、玩具、电器等转向高科技电子消费品。虽然呢批较专业嘅工人工资正按年率15％速度上升，但对嗰D需要高技术嘅工厂而言，内地工资未算贵。嗰D畀唔起高昂工资嘅工厂，只要由沿海一带移入内陆：便有六亿五千万农民正等候加入工厂行列。换言之，未来二十五年中国出口产品更多元化，并逐步由低档嘅成衣、玩具、电器产品行列，转向高档嘅手机、电脑，LCD电视、DVD机都有。中国缺乏嘅只系能源（尤其石油），其次系天然原材料。今天一千个美国人拥有七百部汽车，但一千个中国人只有三部汽车，各位可想像未来中国对汽车需求及汽油需求有几大。7月份中国钢铁厂终于接受入口铁矿石加价19％，可见中国对天然原材料缺乏嘅一面。
虽然中国工人工资进入以年率15％速度上升，但5月份中国生产价格指数只升3。4％，证明中国制造业好有效咁吸收工资上升压力（例如工厂更自动化生产）。如中国产品生产成本上升3。4％，产品到咗美国零售价加几多？答案系零！因为十元出厂价计，零售价一般系六十至一百元（视产品类别而定）；如出厂价提升至十元三角五仙，零售价会否增加？近月美国CPI上升压力系喺自本国薪金上升，而非入口价成本上升。类似1971至81年式高通胀，喺中国加入WTO后，相信唔可能喺美国重演！短期而言通胀率或会上升多少，估计高潮喺今年10月，之后又再回落。从长远眼光睇，未来通胀率唔值得过分忧虑，反而系今年5月起原材料价格及股市嘅波幅，才系投资者感到不安嘅理由。产�