按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
曹仁超
PDF原文：
原序号：459序号：
9
标题：
第四季继续炒上
来源：
信报
发布日期：
2005…09…12
全文：
9月11日，周日。上周五道指回升。恒指短期看好，但大方向系由2000年3月开始美股进入长期不断下跌嘅熊市，情况有如1965至82年呢段日子，美国陷入越战嘅泥淖后终于放弃并退出。期间利率有升有降，通胀率反复上升，美国外贸赤字亦上升。
美大选后翌年偏淡居多
股市历史显示，无论哪一党执政，股市喺大选后第二年都系回落，例如1966年詹森总统、1971及74年尼克逊总统、1977卡达总统及1982年列根总统。殊仔2001年上任，2002年美股回落；大选连任后，恐怕明年美股亦系回落，即今年第四季股市极有可能反复向上，到明年才回落。大选后第二年回落有政治上需要，因为呢一年经济对政治最冇影响力。
恒指极受美股升跌影响，估计今年第四季反复向上，明年才反复向下。去年3月开始嘅炒股唔炒市，可一直玩到明年。恒指依家喺15166点，大部分蓝筹股即使唔系偏高，亦喺合理水平，找出偏低嘅股份作吸纳并唔容易一除咗少数二线股外，呢方面又需要极专业分析至找得到，非一般投资者可做到。
唔少经济学家发表咗大量悲观言论，但喺可见将来经济仍处繁荣期。上周恒指跌0。63％，亚太区股市以菲律宾最差，跌3。26％；印尼及南韩最好，分别升6。28％及3。57％【图】。
所谓炒股唔炒市，由于客观因素唔同，唔同行业有唔同表现，所以个别股份表现可以完全唔跟大市，咁做法根据嘅便是奥国学派嘅理论，呢点行止兄过去有多篇专文论及，不赘。证券分析鼻祖格拉罕喺《智性投资者》一书中教大家，喺选股中必须避免犯严重错失或出现重大损失，此乃选股嘅座右铭；不过，亦唔好将鸡蛋放喺太多篮子里，因为你冇咁多时间去处理，选股数量最好系单位数（即唔超过十只），如可动用资金有限，分散投资喺三几只股份已足够，但必须自己深入了解投资项目，唔好投资自己唔认识嘅行业，以免犯严重错误。其次系止蚀唔止赚，目的系避免出现重大损失。成功嘅投资从来冇止赚盘，只有止蚀盘。
2003年我老曹推介国企红筹股，但当时戒心好大，其中理由就系因为无法充分了解。呢一期《巴隆氏》头条指出，全球一百间「令人尊敬」嘅大企业中，有四十二间非美国公司入围，但嚟自中、港、台公司一间都冇一汇控（005）榜上有名，但佢早已迁册英伦矣。点解会咁？香港主板上市公司亦过千间，但拥有良好管理、成功商业策略、竞争优势、纯利及营业额保持稳定上升以至良好商业道德嘅，一间都冇。到底系港人嘅光荣，抑或中国人嘅耻辱！1993年第一只H股来港上市，至今已超过十年，国企股晒士够大，但能达《巴隆氏》所列「五」大要求嘅公司竟一间都冇！
日本结束十三年衰退
日本选举估计由小泉领导嘅执政联盟胜出，令改革日本邮政方案可顺利推行。加快金融改革。9月9日日经平均指数已升至四年新高，上周五成交额更系五十六年内最大，并以12692点收市，今年内已上升10。5％，银行股指数更升37。9％。看嚟1990年开始嘅日式衰退2003年年中结束，为期长达十三年半！
飓风卡特里娜嘅威力较估计为大。重建新奥尔良嘅费用亦较芝加哥大火后重建费多，甚至较1906年三藩市大地震仲多，主因系新奥尔良有三分二城市已喺水底下十八尺半，重建费用较喺其他地方发展一个新城市更昂贵。新奥尔良事件后互指鼻哥嘅游戏又出现，大家开始找代罪羔羊，政客为咗推卸责任，唔系找事件根源而系「派钱」，每一新奥尔良家庭获二千美元，慷纳税人之嘅去掩饰自己所犯错误，全球政客皆如此。喺出事之前，好多科学家曾提出警告，但政府同群众一于少理，出事后便找代罪羔羊，政府宣布大洒金钱。事件渐渐平静，人们又再忘记，直到另一灾难出现，又再重复一次。呢次飓风保险赔偿高达六百亿美元，较「九·一一惨剧」更大；由于45。33％新奥尔良居民冇买水灾保险，联邦政府已提供六百二十三亿美元协助，估计最终费用一千亿到二千亿美元。将水抽走估计需时八十天，54％受访者认为应放弃浸喺水底嘅房屋。虽然系咁，对整个美国经济影响仍不大，密西西比、路易斯安那及阿拉巴马三个州加起嚟，只占全美国GDP3。17％，上述损失只会令美国第四季GDP增幅减4。81％，短期股市仍然看好。
如果有人同你讲美国天灾损失超过一千亿美元，令墨西哥湾原油停产一个月或以上，其中五个炼油厂最少停产两个月，股市点看？油价点看？答案系道指由8月30日10412点升至上周五嘅10679点，升咗267点；每桶油价由七十点八美元回落至六十五点七三美元，跌五美元一桶！「坏消息入货」有时真系至理名言。任何坏消息都成为股市入货讯号，传统智慧喺金融界冇市场。
8月份开始美国出现消费放缓，未来十八至二十四个月海湾沿岸将重建。股票市场从来唔系靠理性分析可以赚到钱嘅地方，此所以一旦进入上落市有80％投资者损手嘅理由。有危才有机嘅股市铁律，唔少散户已经忘记。1998年长期资本管理公司出事，2001年「九·一一惨剧」、2003年4月沙士疫情，都系危中有机！反之，2003年美军入侵伊拉克，传统智慧系美国从此控制该国油田，全球面对石油泛滥，结果却相反！福兮祸所依、祸兮福所伏，福褔祸祸循环不息。2000年系远离科网股嘅时刻，因为群众已为它疯狂；至于今年8月30日系咪油价高点？有待时间证实。石油股喺油价创新高之际，却仍有40％折让（石油股所持有石油蕴藏量乘每桶石油市价，再扣除开采成本而计出，详细计算法请参考森池兄巨著中〈如何计算石油股内在价值〉一章），点解咁大只蛤乸随街跳？2003年我老曹建议吸纳大部分资源股及能源股（中国可以生产嘅东西后市皆看淡，中国欠缺嘅东西后市皆看好），到今年则呼吁投资者喺资源股及能源股上获利回吐。
我老曹系循环理论信徒，相信「太极图」（白中有黑、黑中有白，白尽黑来、黑尽白来），而每一个循环周期都较一般人想象长，人们因缺乏耐性，往往喺最唔应该入市时入市、最唔应该离市时沽售。
我老曹上周六提及内地「窗口股」喺1997年8月见顶；电盈（008）、中移动（941）喺2000年3月见顶；至于资源股及能源股会否今年出现参差顶？事后才知道。有人担心联储局加息将拖垮美国房地产，呢点却唔使太担心。眼见1989年日本银行所犯错误，以及1997年8月后喺香港金管局挟息政策下嘅楼价表现，盲嘅都知道利率一旦高出CPI增长率两个百分点，可令楼价改变方向；如果你仲相信格蛇会重犯上述嘅错误，就真系低估格蛇嘅智慧（连英伦银行都唔会咁做啦！），相信美国楼价后市将调整，但幅度止于10…20％，系咁咋。
曹仁超
PDF原文：
原序号：460序号：
10
标题：
港有银士媲美油王
来源：
信报
发布日期：
2005…09…13
全文：
9月12日，周一。纽约花园大街有间五千零尺望正中央公园嘅摘星楼，最近以约二亿五千万港元成交，似乎拍得住香港豪宅之天价；点解咁讲呢？茶客甲解释道，香港楼实用面积只得七成几，同美国嘅九成几甚至十足十比，香港单价虽然有纽约咁劲，但都差唔多矣。以卖呢D贵价楼卖到出晒名嘅纽约地产经纪（佢地唔兴称代理）兰子小姐，入行二十年，粗略计吓一共卖出值三百二十亿港元嘅物业，今年经伊人之手卖出者将喺三十二亿至三十六亿港元之间，即使以香港嘅水准而言，都相当犀飞利矣。原来此姝于1991年曾来港推销纽约特朗普大厦，佢话香港买家非常爽快兼爽手，一买便是几个柏文，因此对香港客留下深刻印象云云。香港有银士买楼绝不手软，不让阿拉伯油王专美，早已世界闻名，香港人都应该自豪矣。
美国负利率环境明年前消失
今天恒生指数升34。02，收15199。79；成交一百三十七亿零五百万元。期指平水，收15200点。中国铝业（2600）升4。1％，见四元五角，公司宣布与印尼PTAneka Tambang合作发展铝项目。�