按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
过去日子，美国打喷嚏，全球便感冒；今时今日，美国打喷嚏，内地A股创新高！其他新兴市场仍然受美股影响，跌到七个一皮；点解？因为美国机构投资者（或对冲基金）只能小量持有内地A股，却可以大手吸纳新兴市场股（包括港股）。当佢地要蚊年周转之时，自然狂沽各地新兴市场股；反之，A股有外国机构投资者沽，又点跌？日后内地人民可来港买股，能否接得住外国机构投资者嘅狂沽，而令A、H股股价差距收窄？仍存在许多疑问。响A、H股未能互相流通前，两者差价一定存在。
去年5月至今，已第三次见到股市响短期内狂泻，第一次系去年5、6月，第二次系今年2、3月，第三次系今年7、8月。最终结果系中国GDP高增长顶得顺美国信贷收缩，抑或系美国感冒菌太劲，最后连中国亦伤风？你问我，我问边个？中国近年对美国出口依赖已下降，今年上半年欧盟首次超过美国，占中国总出口上升36％；中国对美国出口同期只上升18％，向日本出口亦上升22％。
如果你睇咗本栏十年八载以上，我老曹便假设你系smart investors，晓得执生，早准备好今年7月起股市开始摆动而唔会吓亲！股市摆动往往由一个极端摆向另一个极端，所谓次按问题只系引致出现向下摆动嘅藉口，次按即使全面meltdown，对环球经济嘅影响亦好有限。股市移动从来唔守秩序，上升之时杂乱无章，下跌之时争先恐后，市价往往同股票本身实质价值无关（即升就升过笼，跌亦跌过笼）。股市从来冇合理价，只系围住合理价上落波动。1971到73年我老曹见过均隆驱风油股价由6毫子升上27元，1973年3月到1974年12月亦睇住和记由47元跌落1。1元，请问何谓合理价？各位唔系唔喜欢波幅，只系睇错市时才唔钟意波幅而已。堤坝完整时，佢留住嘅水多平静；一旦塌下来，D水如万马奔腾，连政府派军队亦档唔住，过去三星期嘅情况就系咁。上月联储局口口声声话全力对付通胀，8月突然宣布贴现率减0。5厘，有如美国入侵伊拉克至今，美国国会突然宣布呢次派军行动系〃非法〃嘅一样。依家美国联储局似乎有D手忙脚乱。过去贴现率高出联邦基金利率1厘，依家只高出半厘；过去贴现率只可借24小时，依家系30天；只有21个dealers可借入联邦基金，但所有银行都可借贴现窗。7月份美国消费额只升1。4％，系去年9月以来最低（过去6个月平均上升7％），8月又点？上述数据好重要，因为美国70％GDP同消费有关。7月份被接管房屋共17。9599万间（一年前9。2845万间）Reolty Trac公司估计，今年全年被接管嘅二手房屋将达200万间；过去6个月美国新屋售价平均回落6。5％，即中产阶级嘅身家在缩水中。
坏市况出好投资
8月14至17日机构投资者共购入397亿美元政府债券，令90天期国库券孳息率跌至3。09厘，75％投机者赌9月18日美国减息半厘，但减息能否令美国房地产止跌回升？近期OECD国家中央银行不断向市场注资，未来通胀系点？亚洲及拉丁美洲国家人民消费在上升，上述因素令资源价格自2001年起升足七年。呢次OECD国家注资行动，未令金价打破去年高价，甚至油价亦未创新高（上述已经只用美元计，而非欧罗）。全球增加30亿人口加入消费行列，点解大部分原材料价格今年未能再创新高？
今时今日如果你手上冇现金，系阁下唔够智慧；如果手上仲有现金，又怕乜嘢？连坐海洋公园D海盗船都话怕嘅，实在唔适宜玩投资呢瓣嘢。如果你仲有现金，相信已加入防守19300点一役，此关如守得住，就一天都光晒；如守唔住，则以18500点止蚀离场，系咁先。窝轮玩唔玩？如果你年轻及心脏强壮，可动用全部投资资金10％作进取性策略；如你已经系老饼，就自己决定啦。窝轮嘅风险较股票大10倍，回报率亦较股票大10倍。恒指19300点系唔系底？事后话你知，事前我点知？恒生指数会否因美国减贴现率半匣及中国中央放宽内地个人投资自由行而见底？抑或出现V型大反弹后又再跌过？信贷市场咁波动，又点分析？有冇D老少皆宜嘅投资项目？冇。自古英雄出少年，年轻力壮可以一博，年纪老迈稳健至上。老人家嘅补品，年轻人饮咗会流鼻血；年轻人可连续上网18小时，老人家咁做便会晕。请记住Bad market，good investing，大部分成功投资策略都系喺市场恶劣嘅环境下出招，例如2003年叫人买豪宅，去年8月大行睇油价可冲上100美元一桶时叫人买内地航空股，都系运用Bad market，good investing策略嘅结果。
钱只系一个价值载体
我老曹小学时睇英文小说，许多时接触到seek your fortune呢个字（例如《仙巴历险记》）。外国人好强调找寻你嘅财富，到底财富系乜？1971年前美元可兑黄金，财富可用黄金去衡量；自从美元唔再同黄金挂钩后，连钱系乜都模糊咗。简单D讲，钱只系一个价值载体，例如你把股票卖掉，你便拥有一定数目嘅价值载体叫做钱，你可以把钱交换物业、食物甚至服务。土地又系唔系财富？中国人话有土斯有财，土地系生产一切人类必需品嘅东西，但有冇价值又取决于好多因素。1978年前中国土地国有，因土地不能交易，其价值只在于生产方面，例如种植农产品或租畀香港厂商开厂，所以价值非常低（因不可转让），买卖嘅只系土地嘅产权证而唔系土地。2003年大旧江提出私有产权写入宪法内，即中国土地可以自由转让矣，今后买卖嘅再唔系产权证而系土地，令中国土地一下子全部变成财富！有土斯有财，引发2003年至今内地楼价上涨潮，中国人亦一下子富起来啦（因为土地有价，都变成财富了）。工厂只要有地，便有财，因可以将土地抵押建新厂房，或将部分土地出售作其他投资用。原来，只要政府承认私有产权，财富便大量出现，中国人嘅财富多到出现流动性过剩！
如果我老曹有一个谂头可令企业赚大钱，但服务嘅企业未上市，上述赚钱大计冇足够资金支持，只有放弃，呢个谂头便一毫子都唔值。假设服务嘅企业系上市机构，董事局便可以将呢个概念向机构投资者推销，如佢地认为掂喎，便开始吸纳公司股票，刺激股价上升，公司再透过发行新股集资，将呢个谂头付诸实行，进行赚钱大计，于是呢个谂头变成好值钱，可以令公司市值一下子增加几亿元。原来谂头又系另一种财富！
2001年我老曹认为响中国需求带动下、全球资源价格进入涨价潮，上述眼光如香港有资源股上市，一样不值一文。2001年香港已有资源股上市，于是眼光亦可一下子转化为财富！
土地谂头眼光俱可变财富
土地可变成财富，谂头可以变成财富，阁下嘅眼光亦可变成财富，连画家嘅画可变成财富，歌星嘅歌亦可变成财富。财富变得愈来愈抽象，但同时愈来愈容易搵到。我地唔使再学故仔内嘅仙巴，冒千辛万险才搵到财富！
有人问打工可否搵到财富？答案系打工叫做搵钱（有数得计），唔系找寻财富。有人问储蓄可否累积财富？答案系储蓄只叫做储钱，同财富无关。找寻财富嘅方法系将无价值（或低价值）嘅嘢例如土地变成有价值嘅东西（例如高价楼房），用方法增加公司嘅赚钱能力，或透过眼光赚钱，才叫做找寻财富。各位依家识得点样找寻财富未！
2006年起美国7600万个战后出生婴儿踏入退休期，将加重呢次美国楼价下调嘅力量。美国人未来财富来源去年起再唔系买楼博升值（呢方面香港人1997年8月已学晓，日本人更早喺2000年6月已知道）。美国经济正面对有史以来最多人（及最富有嘅一群人）退休嘅考验，愈来愈多投资者由进取型转为保守型，再唔系每年将资金加回报率再投资嘅时代，而系每年从过去40年嘅投资项目中抽出若干巴仙作退休开支，即未来投资资金滚存嘅能力进入下降周期（中国却进入上升周期）。
1990年起日本经济同中国之间此消彼长，踏入21世纪，投资方面美国同中国之间亦开始此消彼长。随着大量战后出生婴儿退休，未来美国赚钱能力系点？环球化、电脑化、新兴国家工业化、资本主义横扫全球，未来20年美国经济情况又如何？
曹仁超
PDF原文：
原序号：361序号：
11
标题：
被震仓者开始后悔
来源：
信报
发布日期