按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
今天国寿（2628）升5。7％，见37。15元：裕元工业（551）跌2。7％，见23。2元；中国铝业（2600）再升5。6％，见22。6 元；大唐发电（991）跌2。5％，见8。94元；长城汽车（2333）跌9％，见9。7元；青岛啤酒（168）升14％，见26元。沪深三百指数连升7天，升幅共14％，收5251点；国寿A股涨10％停板、中国铝业涨停、中金黄金涨停，青岛啤酒亦涨停版。内地股市早已进入斗傻期，此乃泡沫末期嘅必然现象，无人能阻止。
恒指完成V形反弹后回落，主要系美国住房7月份响市场出售数目达459万间，较6月份升5。1％（或9。6个月嘅供应量，6月份系9。1个月），代表美国楼价仍在恶化。
V形反弹形成职因素系7月26日恒指由23557点回落到8月17日19386点，跌速太急，其后反弹至今天23750点，升速亦太急。后市进入冷静期，通常需要下试低点，相信8月17日系呢次跌市嘅最低点，至于次低点响边？市场找寻中。喺找寻过程中，亦系Bargain Hunters最活跃期，亦即个别发展期。
下月日圆加息机会大
8月23日日本银行以八对一票否决加息，9月18至19日又点？依家日本首相已完成重组内阁，令下月日圆加息机会大幅上升。
星展银行宣布持有24亿坡元（16亿美元）CDO，令股价下跌。CDO问题喺各地浮现。
Countrywide Financial股价周一回落6％，再次提醒大家美国房地产市场问题仍在恶化，虽然美国银行入股16…17％股权。雷曼兄弟宣布结束次按部门，裁员1200人；Accredited Home宣布裁减一半人手。
后市展望，到底系双顶回落抑或继续一浪高于一浪？便睇9月份所出嘅数据。8月28日恒指见23750点时，创新高嘅股份反而唔及7月26日23557点时多，如剔除几只创新高嘅国企、红筹股，今天股价能够高过7月26日高点嘅股份唔多。上述形势令人对后市有D担心，当指数表现较整个大市强，乃后市转淡嘅先兆。话到尾，2003年4月至今牛市已维持咗4年多，呢只牛已有D〃老〃。
8月渐成过去，日后回忆时，必可以〃刺激〃去形容2007年8月。至于有几多人响8月份嘅market timing做啱（四叔除外）？林治喺退休前曾讲过：如你投资股票，必须知道股价随时可大幅回落，只系唔知道几时回落。喺我记忆中似乎冇人能准确预测何时回落，虽然好多人曾作许多预测。投资股票有如到赌场买大细，你永远唔知道下一铺系开大或开细。精明如林治亦咁讲，各位认为一般所谓分析员嘅水平如何？因此，一般投资者不宜过分注重timing，而应将注意力放响stock picking上。其次系利用〃水车投资法〃，即P/E8至12倍之时全部资金入市；P/E12倍到16倍时70％资金入市；P/E16倍到20倍时50％资金入市；一旦P/E高出20倍，只留30％响市场。根据lbbotson Associates嘅Sahadi研究，1926年如你投资100元响标普五百指数身上，到2006年12月你有307700元。喺972个月中，如你错过其中40个月，2006年你嘅回报只有1823元！即过去81年，99％升幅集中响40个月内（占全部时间4％）。Sabadi进一步指出，1987年如投资100元在标普五百指数身上，2006年12月回报系931元；240个月中，如你错过急升嘅17个月，回报只有232元，即84％升幅集中响7％嘅月份内！
水车投资法损失有限
结合林治同Sahadi嘅理论，过分强调timing，结果只系High Risk，Few Rewards。1997年8月至今过去10年，一般投资者中80％系输家。睇完上述分析后，你仲有冇兴趣再学timing？有D危机事前十分明显，只要细心已可避过，例如1987年10月股灾前、1997年8月亚洲金融风暴前、2000年3月科网股泡沫爆破，如只用水车投资法（P/E20倍以上时只投入资金30％），损失有限。
我老曹十分失望嘅系，仲有人认为250天移动平均线系牛熊分界线。移动平均线理论系1973年7月《信报》创刊时从外国引入，我老曹运用移动平均数已有35年历史。我老曹一再强调，移动平均线理论中并冇牛、熊市，牛、熊市系根据道氏理论，即牛市分三期、熊市分三期，呢个已系1900年前嘅理论，近代已被人一再质疑。现代经济咁复杂，股市系咪仲存在牛、熊市？大量国企来港上市后，本港股市对房地产依赖渐减，牛、熊市理论系咪仲有价值？过去35年我老曹研究移动平均线嘅经验系：A、牛市一期恒生指数唔会跌穿250天线。B、牛市二期恒生指数经常跌穿250天线，每次跌穿250天移动平均线不但唔系出货讯号，反而系入货讯号。C、只有响牛市三期恒生指数跌穿250天线，才系牛市死亡讯号。结合道氏理论如下：A、牛市一期P/E8至12倍时，恒指应唔会跌穿250天线。B、牛市二期P/E12到16倍，恒指跌穿250天线系入货讯号。C、牛市三期P/E响18到22倍，跌穿250天线才应小心。1997年8月同2000年3月恒指P/E都喺22倍以上，牛市三期十分明显。2003年4月恒指回升至今，未见P/E22倍以上（反之，国企指数已在22倍之上，国企股已进入牛市三期，即疯狂上升期，开始唱《夕阳之歌》）。后市展望，股市继续swings，投资策略系：你惊我唔惊，你唔惊我惊。
五时花六时变容易高追低沽
镬铲友与财经演员近期认为股市应大升，理由系中国政府宣布放宽资金自由行；一个星期后镬铲友同财经演员可能又认为股市应大跌，理由系美国次按危机恶化。如果你一如佢地咁五时花六时变，结果唔系高价追货就系贱价沽货（牛可以赚钱，熊可以赚钱，跑嚟跑去嘅猪被人屠宰）。如果你每天都分析嗰D无关重要嘅经济数据，便有如揸车之时注意每条街上行人嘅衣着系咪入时，最后唔撞车先怪。
毕非德嘅投资策略：一、买嗰D有竞争优势嘅公司，例如拥有一个品牌、一组良好管理人才，或别人不易取而代之嘅地位。二、买入嗰D市价仍未显示内在价值嘅公司（森池兄最叻揾呢类公司）。三、买入后股价如上升20％，便应长期持有。
失败投资者策略：一、听贴士买股票；二、五时花六时变；三、自己唔做功课。
最近收到一位忠实读者飞鸽传书（佢话只睇咗本栏一年），刚学晓止蚀唔止赚，结果响8月17日上午股市下跌中止蚀离场，点知8月17日下午股价一直上升，问我点解〃止蚀〃后有咁嘅收场？我老曹为之气结。上述系将复杂事情简单化嘅结果。我老曹一再强调，止蚀位嘅订立需要一定技巧，而非机械式，其中最大学问系股价与股市比较，即啤打系数（beta）。有D股份啤打系数低，即升市升得少、跌市亦跌得少；有D股份啤打系数高，例如细价股一般啤打系数系1。5（即股市如升10％，细价股升15％；如股市跌10％，细价股可跌15％）。
2003年4月至今过去唔少例子系恒指接近250天线或略穿250天线便跌完，响250天线附近入市系毋须用止蚀盘保护（除非50天线跌穿250天线）。
其次，入市前自己嘅概念系乜嘢？通常止蚀盘系喺股市大升之后才订下，而非股市大跌后才订，该读者犯咗〃半桶水〃嘅毛病。再次证明投资之道唔系三言两语便讲得明，真正成功嘅投资者非十年不为功，就当交学费罢啦。
有消息称中国银监会即将出台政策，要求商业银行将房供首付比例由依家最低30％提升到40％甚至50％，深圳、北京、杭州或广东嘅银行已行咗一步，将首付最低升至40％，又或者停办二手按揭贷款。国内好多城市已或明或暗开始收紧个人住房银贷，最终能否阻止内地住房价格进一步上升？美国房贷次按风暴最终会否吹到中国？根据〃温水煮蛙〃原理，边次才系压坏骆驼背脊嘅最后一根稻草？今天中资房地产股普遍下跌，例如中期纯利大跌嘅复地（2337），甚至中期纯利上升嘅雅居乐（3383）、实力地产（2777）、深控（604）、上海置地（1207）等都逃不了。睇嚟上述消息有一定可信性。
拉斯维加斯金沙集团将喺澳门机场附近兴建一个新码头，有10个泊位，来往香港同澳门、香港国际机场至澳门、深圳至澳门，以及其他珠江三角洲城市之间。10个新建渡轮码头分别喺今年10月至明年3月陆续投入营运，即今年10月起去澳门除咗原有旧码头外，将来有另一个新码头响澳门机场及亚洲最大博彩度假村附近。未来澳门赌场�