按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
氖脑褰牵瑏诘赝瞥鰡昀鐾逋枇澹谐》从κ秩攘摇！�
一手楼市气氛渐渐恢复
香港楼市由2003年第三季开始回升，到去年第三季达高潮，晌利率一再上升后，破坏咗买楼人士嘅入市气氛而静下来；今年8月气氛总算恢复，起码交投重新热烈。不过，无论新地及恒地股价仍唔及今年4、5月高位。至于长实（001）及和黄（013），公布半年业绩后股价更出现大幅调整。
港元同美元挂钩，因此港元利率极受联储局影响。近年外资涌入，令港元利率低美元利率最少一厘；但系近月楼市成交额仍大减，最差一个月一手楼成交只有五百三十个单位（2003年沙士期间最差时一个月都有一千九百个新单位成交）。楼价由1997年第二季至2003年第三季回落65％，2003第三季至05年第三季回升50％，虽然系咁，依家楼价较1997年第三季低45％（豪宅除外）。8月份香港楼按利率只有五厘至五厘二五，比较美国三十年楼按利率六厘半，最少低一厘，希望香港楼市嘅气氛可延续到9月。
澳洲储备银行行长对近年油价上升，但有刺激全球CPI大幅上升及引发经济衰退嘅看法系，1973…74年及1980…1981年嘅石油危机，除因为油价上升外，其次系供应短缺；反之，呢次油价上升，但全球石油供应未出现短缺。DECD国家经济早已转型；1973…74年OECD国家仍以工业产品出口为主，今天皆以服务业为主。以美国为例，每桶石油所产生GDP，2005年较1973年多一倍，形成石油喺GDP所占比重下降。1998年每桶石油平均价十三美元，石油比重只占美国GDP 0。7％；即使去年每桶石油平均价升至七十三美元，亦只占美国GDP 4％。油价升降嘅影响力同美国楼价升降比较，简直系蚊髀同牛髀。
旧物业重建装修成趋势
其实喺1973年石油危机发生前，美国因劳工供应不足，早令CPI大升。尼克逊1971年宣布冻结工资及物价方案去阻止，1973年解冻，形成工资同物价你追我赶，油价上升只起着推波助澜作用。家吓形势系，中国同印度兴起令全球劳工成本唔易上升，单单油价同工业原材料因素，对全球CPI影响自然有限。因此今年经济不但唔会系1973…74年嘅翻版，甚至唔系1981…82年嘅重演。估计明年美国GDP增长率将降至2％，但唔系另一场衰退。
REITs开始喺香港上市，至今表现仍以领汇（823）最出色。除咗政府以略低于资产净值价上市呢个理由外，响依家成熟物业市场，最易赚钱方法就系将旧物业透过重新装修及改善管理去提升物业价值。呢方面华人置业（127）系先行者，例如将皇室堡由写字楼为主改为以商场为主，大大增加租金回报而提升该物业价值；近年响尖沙咀一带及铜锣湾一带收购旧有商场，透过重新装修后，往往可将租金回报提升100％或以上；去年更购入尖沙咀东英大厦拆卸重建为商场。近年唔少公司亦走呢条路，例如凯联国际酒店（105）宣布将酒店拆咗，改建为购物商场，去提升该物业价值；新地将旧有观塘物业重建为apm商场及写字楼，又系另一杰作。领汇手上有大量商场，但因缺乏装修加上管理差，租金回报同其他私人管理商场比较实在太落后，只要将商场重新装修及引入良好管理，将租金提升50％并唔太难。呢类做法晌美国早已流行，喺香港拥有重新装修价值商场概念，以领汇为最多，因此吸引外资基金持有。香港物业市场最吸引投资者，就系点样将嗰D旧商场，透过翻新引入良好管理，而令商场租金提升50％或以上。呢方面，商场属单－－业主最易搞；反之，卖散咗嘅商场（最典型例子系中区环球商场）最有得救，领汇股价上升，人家就系睇好香港旧商场嘅翻新价值。
1974年3月至7月，道指喺846至800点牛皮，当800点失守，1974年12月便跌至600点，证明十个牛皮九个淡！今年5月起未来一段日子，相信恒指喺15200至17000点之间牛皮，直至有一天15200点失守为止！美国经过二十五个月努力，将利率由－－厘提升至五厘二五；2004年6月至今股市同利率齐升，情况有D似1995至99年，当年利率由三厘升至六厘二五、道指同期升40％。2000年6月美元利率唔再上升，道指2000年起亦回落。仍有唔少人相信加息股市跌、减息股市升，许多时候都喺相反。
中国拥有大量廉价劳动力，喺过去二十八年改革开放时期，令中国生产力提升大于薪金上升速度，为企业家提供赚大钱机会。上述有利嘅客观环境今年不再，工资上升速度已大于生产力提升，即企业家赚大钱嘅有利客观条件在改变中，内地打工仔开始分享中国经济繁荣嘅成果（情况有D似八、九十年代嘅香港，由1984至97年，香港人加薪速度大于生产力提升）。中国产品售价最终反映呢方面改变，但只令美国CPI增长率增加多0。5％，影响唔大。
澳门冀赌博收益超越拉斯维加斯
今天美国十年TIPS（通胀挂钩债券）孳息率二厘二七，十年期债券孳息率四厘七九，即市场估计未来十年美国通胀率平均只有2。52％。未来十年如要获5％实质回报，必须达7。5％一年。有几多人过去十年每年回报率能高出7。5％？唔好睇小7。5％回报，喺低通胀时代并唔容易获得，未来就更难！
生意淡薄不离赌博。投资既然咁难，不如赌博啦！因此澳门赌场股大盛！不过，未来竞争对手唔少，金沙既投资澳门，亦投资新加坡三十六亿美元建立赌场度假项目，2009年开业（澳门嗰间2008年开业）。不但新加坡开赌，日本亦虎视眈眈，计划修改法律容许境内开赌，仲有泰国……。澳门希望明年赌博业能赚取八十亿美元回报（六百二十四亿港元），较今年升18％，但整个拉斯维加斯在喺年嚟自赌博收益只有九十亿美元，即2008年澳门嚟自赌博收益必须超过拉斯维加斯先掂，2009年无惧嚟自新加坡嘅竞争，仲有日本同泰国！上周《金融时报》认为，响澳门投资赌场者，才系最大嘅赌博者，我老曹同意也！
对冲基金近年重新塑造投资世界。由于对冲基金可同时持有及沽空股票，形成股票市场毋须大上大落。只要持有嘅股份上升、抛空股份回落，已可赚钱。拣股取代炒市渐成主流，反而传统基金（只持有唔抛空）却处于劣势，近年纷纷跑输畀对冲基金。投资市场用希腊字“alpha”代表优胜者股，用beta代表波幅。过去机构投资者以alpha为投资策略，努力晌市场中拣出优胜者即优质股，以便跑赢大市而唔理会beta（波幅）。今年5月至今股市有波幅冇升幅，令唔少机构投资者表现失色；反之，对冲基金利用波幅，可以响5月抛空、6月吸纳，8月又再获利回吐，不但跑赢大市而且有超过10％利润（视乎投资经理策略运用系咪得法，而非嚟自股市升降）。响上述冲击下，机构投资者纷纷改变策略，既注重拣优质股（alpha理论），亦分析大市波幅（beta系数）。去年年底美国最少有三千亿美元基金响策略上作出上述改变；除着重资产分配外，亦着重投资管理技巧（例如个别股份嘅Momentum改变），实行双管齐下，改变过去长揸不放嘅策略。换言之，alpha固然重要，beta亦不可忽略。
过去我老曹强调“拣股唔炒市”，新嘅投资策略系既拣股同时亦炒市！投资者既要精于拣股，同时要掌握股市嘅上上落落，要喺投资市场胜出嘅要求进一步提升。投资失误（bad trades）经常出现，无法避免，问题系点处理？“止蚀”系我老曹处理投资失误嘅方法，各位系咪有更佳方法？投资损失惨重嘅人，最大理由系唔认输！
Trading十分富挑战性，尤其系今时今日大部分基金经理都唔知将蚊年放喺边处之时，要求散户有出色表现真系难上加难。今年5月起，到底系资源股方向改变嘅开始抑或一次中期调整？最近公布嘅美国房屋数据，只系进一步确认美国GDP增长率进入放缓期，冇特别意义（唔少房地产建造股价早在去年8月起转弱）。CRB指数已跌穿二百五十天线，系咪长达六年嘅商品牛市到咗结束日子？反之，债券价格上升、美元转强，MSCI新兴市场指数（由2002年起步上升）亦喺今年5、6月跌穿上升轨，似反弹大于升市延续。至今为止，虽然未能肯定乜嘢，但肯定今年5月份起人心思变。
家族生意最大问题在继承权
一个家族能够赚大钱已经唔容易。通常第