按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
英镑连升九个交易天，见1。9545美元，系2004年12月以来最高。由于英国通胀率仍在上升，估计明年英镑仍会加息。
人民币升至7。8313兑1美元，系去年7月以来最高，估计年底见7。8兑1美元。中国政府系唔会畀人民币大幅升值，估计明年底可见7。4兑1美元。人民币汇价逼近港元，估计将有六百亿港元回流香港，而港元应该唔会同人民币挂钩，因为此乃体验〃一国两制〃p｝其中一部分。不排除明年底前人民币较港元高出5％，而明年及2008年人民币每年升值5％，即2008年人民币将较港元高出10％。 买前景秀丽但有D贵嘅股份
依家边D股份可吸纳？就系嗰D前景展望秀丽而感觉上有D贵嘅股份，通常日后表现较好；反之，嗰D感觉上抵买嘅股份，通常日后表现都令人失望。周二跌市系代表11月23日短期大市见顶回落，或只系另一次技术调整？暂时仍未清楚，唔好扮先知。股市到咗现阶段将愈来愈难玩。11月28日恒指下跌564点（或2。94 ％），系5月22日以来最大跌幅：5月22日下跌507点（或3。11％）后，一直跌至6月14日，未来是否会重演5、6月嘅走势，即连跌五个星期，在6月14日跌穿二百五十天线才再上升？机会存在。感恩节后至圣诞节前呢段日子想喺股市赚钱？极考眼光！
200年展望如何？最大可能性系2006年翻版，即输赢由选股决定，而非对后市点睇。今年唔少投资者赢咗指数、输咗股票，恒指虽升，但自己却蚀本者大有人在。一朝被蛇咬，一世怕草绳。1997年至2003年投资物业嘅经验，令唔少人喺2003年唔肯投资豪宅，而错失赚大钱机会。2000年科网股泡沫爆破后，2003年4月唔肯再度入市买股票，又系另一损失，几多人曾经爱过、错过，然后怕咗恋爱？孙中山十次革命都失败，第十一次却成功。旧伤愈合后，应该再战江湖而非退出。上得战场打仗便预咗受伤，复元后再上战场，屡败屡战才有机会成功。
恒生指数2003年4月至2006年5月已完成经济中的春、夏季，今年5月起进入秋季，有人秋收冬藏。如你唔系active Trader易于满足便冇问题，不然自然明白秋风起、三蛇肥，以选股跑赢大市。6月14日至11月23日，唔少行业为投资者带来利润，例如内地电讯股、金融股、地产股、航空股等，踏入12月又点玩？
1944年，以英美为首的国家通过《布列顿森林协议》，令1945至70年全球经济进入低通胀时代。唔少人太习惯了，唔知道1971年浮动汇率所产生通胀嘅威力。嗰D一味储钱以为退休后可过舒适生活者，结果发现金钱购买力被通胀吃光，金价由三十五美元一盎斯涨至1980年八百五十美元，即1970年储下嘅钱，到1980年只余下二十五分之一购买力！ 以过去经验分析前景错误多
1980年雪茄伏将利率推高至CPI增长率之上二厘，通胀率1981年起回落，其后利率亦由1961年起回落，令美股自1982年起上升。习惯咗1966至82年上落市嘅美股投资者，又错过1982至2000年美股超级大牛市……。
我地常常被过去经验错误引导自己对前景嘅睇法。例如2001年1月认为减息股市必升者，2001至03年4月又付出代价。今年2月起贝南奇的〃目标通胀〃政策（英国1994年已开始采用），今年几多分析员仍采用格蛇时代所建立嘅逻辑思维去分析贝南奇时代的经济？几多人仍未接受行业盛衰取代整个经济大循环呢个理论，仍用牛、熊市去分析后市？咁样一如1971年后仍用固定汇率时代嘅想法去分析浮动汇率的经济表现情况一样。
浮动嘅率可分为三个时期。一、1971至80年各国中央银行滥发钞票，系利率大部分日子低于CPI增长率嘅时代，引发恶性通胀，应买金保值。二、1980年起中央银行仍在滥发钞票，但利率则高于CPI增长率二厘，令存钱者冇损失，引发1982至2000年美股大牛市，呢段日子应揸股票，但此一时代在2001年〃九·一一惨剧〃后结束。三、2006年2月起目标通胀时代，即联储局极力阻止通胀率低于1％，以免出现日式衰退，而在2002年起大印钞票；同时阻止通胀率高于2％，以免通胀率不受控制，所以今年5月起开始抽紧银根。
美元汇价2002年2月回落，过去曾系刺激股市上升嘅因素之一近日美股却以美汇转弱为睇淡理由，相信只系藉口，真正理由系股市超买必须调整。1971至2001年过去三十年，系商品价格回落时股市上升、股市回落时商品价格上升。但到咗2001年1月，却系商品价上升最终令股市上升。今年5月商品价同股市同时回落，系咪喺目标通胀政策下两者不再背驰，改为互相追随？上述反应同1987至2001年格蛇时代唔同。今年6月14日恒指跌穿二百五十天线后，我老曹发出入货讯号，当时唔少分析员表示唔理解，此乃我老曹首次尝试用目标通胀政策去思考问题，事后证明分析正确。近日贝南奇对未来通胀前景一再表示忧虑，引发恒生指数11月23日起回落。 港经济盛衰由美元强弱支配
2002年许多人视贝南奇为鸽派，今年5月又认为佢系鹰派。其实佢讲得好清楚：佢系〃通胀目标派〃！核心通胀率高于2％便抽紧银根，低于1％便放松银根。相信美股最终只会窄幅牛皮，将牛、熊市理论消灭后，由行业性盛衰取代。贝南奇上台嘅责任系阻止三十年代式美国经济萧条再现（当时系自由经济学派失败嘅结果），同时阻止凯恩斯式恶性通胀重临。目标通胀政策可令经济长期处于唔太暖又唔太冷嘅水平，我老曹相信佢可以成功。
美国第四季GDP表现估计同第三季相似，由于联储局继续关注核心通胀率（代表12月份唔会减息），美元兑欧罗出现连续六个交易天回落，10月份耐用品订单减少8。3％，系2000年7月以嚟最大跌幅……。数据显示美国经济增长率正在放缓中。贝南奇认为，美国经济来年会回升。佢比较上担心通胀率上升多于GDP增长率放缓；过去十二个月（截至9月止）核心通胀率平均达2。4％。
睇吓1987年至今二十年嘅美汇指数【图二】，可以见到1989至95年美元回落期，香港为阻止港元升值而出现负利率时代（即利率低于通胀率），引发本港资产升值潮。1995年中美元开始回升，但本港楼价仍上升，直到1997年美元升幅扩大，令港元不但唔再系负利率（利率早喺1996年高于通胀率），同时为阻止港元贬值而抓息，引发本港资产跌价潮。1998年6月政府决定入市支持股市，并喺2003年9月改行勾地政策；前者扭转咗股市方向，后者令本港地价上升，亦刺激楼价上升。另一因素系2002年2月起美元汇价又再回落。依家港元利率较美元低一厘一五，以阻止港元升值，美元汇价自去年底开始又再回落，走势上似乎系〃头肩顶〃，但全球却一片睇淡美元？！我老曹亦开始疑惑未来美元汇价到底系升定系跌？以过去例子，本港资产升跌落后于美汇指数两年（例如1995年美汇止跌回升，本港楼价1997年下半年才回落，两者相差两年半；2002年2月美汇回落，本港楼价2003年9月才上升，两者相差－年半。呢次美汇自2004年年底回升，本港普通住宅楼价去年10月开始呆滞）。喺联汇制度下，美元强弱可左右资金流入流出香港。资金流入，香港经济便繁荣；资金流出，香港便衰退，此乃联汇制度下不可改变嘅关系，例如近期资金流入股市上升，令经济繁荣……。有一天如资金流出，不但港元利率低于美元一厘一五嘅情况消失，甚至略高于美元利率嘅情况亦可以出现。香港经济盛衰由美元汇价强弱支配，上升时差一年半、回落时差两年半。 内地一级城市豪宅上升空间大
去年中国最高收入10％家庭与最低收入10％家庭差距达二十二点六九倍；反之，中国豪宅售价只系低收入户房价嘅四点一倍。近几年豪宅住户收入同低收入房屋住户收入差距不断扩大；2000年系五倍、2001年五点四倍、2003年八点三倍、2004年八点九倍、去年九点二五倍，相信今年已超过十倍。2003年开始喺香港出现嘅楼价两极化，喺中国仍未出现，依家本港豪宅每尺售万几蚊，系天水围低收入家庭住宅每尺售价嘅十一倍左右，而中国只系四点一倍。从呢点睇，内地一级城市豪宅未来十年上升空间仍十分大；反之，普通住宅楼价上升空间唔大，因为中国最高收入10％家庭系最低收入10％家庭嘅二十二点六九倍，最终必导致豪宅售价系低