按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
信原材料价格进入整固期，但需求仍十分大，所以价格唔会大跌，只系一次中期调整。
中国城市化。令每年一百五十万亩农田消失，或以每四年全国减少5％嘅速度进行；加上人民币追随美元贬值，即2002年至今人民币失去30％购买力，令2001年至今能源价格及矿产价格大幅上升。近年中国开始向外国入口农产品，相信农产品售价亦进入长期上升趋势。
我老曹1967年到社会做事，过去四十年有几多昨天嘅是，变成今天嘅非？最简单如母乳，过去被认为系唔卫生及老套，今天却认为母乳有助孩子建立免疫系统，用母乳喂孩子才系先进，反而用奶粉系唔卫生及老套。另一尴尬事系我地一直被教育牛油系冇益，人人改食人造牛油；依家科学家却证明，唔少现代疾病由长期食用人造牛油所造成（因为非天然），几多人因长期食用人造牛油而患上现代都市病？至于发菜一直被形容为健康食品，依家却变成引发老人痴呆嘅食品，真系唔知信边个。
情人节快到，上次我老曹介绍嘅〃名表系列〃，如各位认为未够创意。咁如果飞经巴黎之时，不妨去FrancisKurkdjian开设嘅芳香店Sur Mesure。该公司2001年开业，可为顾客制造〃指定香水〃，包括盛载一盎斯香水嘅玻璃瓶及指定调校嘅香水味，保证独一无二，世上冇另一个人拥有。售价系点？第一瓶一万美元，其后每瓶二百美元，最少订购一万五千美元（即十箱共一百二十瓶），可以喺一两个月内送到世界大部分地方（包括加勒比海上嘅游艇），令佢拥有世界上独一无二嘅芳香。
想唔想响自己嘅葡萄园上种葡萄，然后用自己嘅牌子酿制一桶红酒？上述创意由Pick Pyle谂出嚟，2003年开始喺法国Le Gress种葡萄树让全世界人认购。每株二百八十美元，每年打理费六十五美元一株。葡萄成熟时。你可以飞去法国Le Gress区品尝自己葡萄树长出来嘅葡萄，亦可委讬该公司代为酿制一桶葡萄酒、入樽及由阁下到取（亦有邮寄服务），品尝自己拥有葡萄树长出来嘅葡萄酿制成嘅红酒。今年第一批由客户认购嘅葡萄树所酿制嘅葡萄酒已生产成功，其中不乏《福伯氏》五百个全球最有银士认购。今时今日只要你有蚊年，要几浪漫有几浪漫；蚊年虽买唔到爱情，但绝对可以购买浪漫气氛。
A…S China（8262）、侨雄国际（381）停牌。
讯通控股（8082）、修身堂（8200）、大诚电讯（8003）2月13日；朗力福集团（8037）14日；腾讯控股（700）3月21日公布业绩。
曹仁超
PDF原文：
原序号：170序号：
20
标题：
中产要〃做好呢份工〃
来源：
信报
发布日期：
2007…02…05
全文：
2月4日，周日。美国2月2日向 WTO 提出申诉，认为中国存在贸易补贴，包括钢材、木材、纸业、信息产品及其他行业出口，先作两个月双边磋商，如未能解决，订成立专家小组进行相关审议及裁决（中、美及WTO各可派出一名成员）；如小组认为美国申诉合理，中国必须取消补贴，否则将被迫退出 WTO，整个审议过程可长达几年。
美国民主党晌国会中占大多数。美国对中国产品入口嘅态度日渐强硬。2005年中国出口商品中，60％来自海外投资企业（唔少系美资企业）。利用中国廉价劳工生产后将产品运返美国，由于产品晤系中国境内出售，因此享有出口退税。依家美方就指呢D〃出口退税〃为补贴，过去有半导体及牛皮纸（双方已解决），审议中嘅有汽车零部件，依家加添钢材、木材、纸业、信息产品；负责中国事务嘅财政部副部长蒂姆·亚当斯以家庭原因，喺当天向殊仔递咗辞呈矣。
东泰证券研究部董事邓声兴话，马钢（323）、鞍钢（347）周一开市股价可能受压。
标普五百指数由去年6月14日1219。29开始上升，至今年2月2日见1449。33，已进入第八个月上升；上周系去年8月以来最大升幅。从1995年11月至今，美股共有十七次上升超过六个月；由1950年至今。只有三次上升日子超过九个月。今年2月美股进入第八个月上升。
中产人士不惑之年易失业
港股由1997年8月16800点升到今年2月2日20563点，每年平均升幅2％，但波幅极之惊人。过去十年股票市场主要玩波幅。唔再系买入后持有。喺恒生指数平均每年仅上升2％嘅环境下，你要求自己嘅财富过去十年可增长几多？过去十年中产阶级面对两大危机：一、1997年8月起中价楼回落。虽然2003年9月起已反弹，至今楼价仍只及1997年8月嘅60％。二、1997年8月股市回落，加上2000年3月TMT股潮，至今大部分红筹股同TMT股响1997及2000年嘅高位距离仍大。
香港今天出现贫富悬殊嘅理由，系过去十年（1997至2007年）制造中产阶级嘅能力肯定较前十年（1987至1997年）或过去几十年少。香港制造中产阶级嘅两大机器：房地产及股票市场，前者最近升幅只集中喺豪宅（恐怕到今年连豪宅亦失去上升动力），后者表现反覆无常。未来十年又点？答案可能系中产阶级只能〃做好呢份工〃，但唔少人担心连份工都冇埋！
DECD社会结构系菱形嘅，发展中国家社会结构系金字塔形。1997年香港社会结构曾出现菱形，回归后渐同中国其他大城市接轨，重返金字塔形。1997年前嘅中产阶级，唔少已成为中下阶层，系好无奈嘅事。过去喺香港成为中产阶级嘅阶梯系努力读书、努力工作，买个住宅单位去供，做D合理投资，二、三十年后便自自然然晋升为中产。今天社会中产人士一旦到咗四十岁便小心失业。因为经济转型速度太快。好易连份工都冇咗（即使做你的公仆。政府亦有权请你食肥鸡餐），供楼随时变成负资产，投资股票股价随时可以下跌90％。
猪年展望如何？一般人唔喜欢听嘅说话系牛市由2003年4月起计至今快四年啦，而一般牛市寿命三至五年。进入猪年，呢只老牛仍有几长寿命？踏入今年。太多资金追求刺激而忽略风险，而投资首重注意风险，呢样系1974年我老曹好辛苦才学番嚟。你可以接受自己投资项目跑输大市，但不可接受自己投资项目带来灾难性伤害；富向险中求唔系我杯茶（not my cupof tea！）。
今天中国中产阶级（指年收入五千美元或以上）人口只有五千万至七千五百万，估计十年后中产阶级人口达三亿！上述威力系点？国内私家车销量由2002至06年上升四倍，信用卡发行量由2005年二千万到去年四千五百万，一个新中产阶级十年后喺中国形成，上述包含无限商机同危机（七十年代至九十年代系香港中产阶级形成期，可作参考）。
内地A股2001年P/E高达五十倍而回落；2005年年中。P/E跌至十六倍，跌幅高达70％。今年2月2日A股P/E三十八点七八倍，后市又点睇（1月30日时P/E更超过四十倍）？沪深指数由2005年6月6日807。78，升至今年1月30日2599点，升幅高达221。7％，时间只需十八个月，如调整前升幅三分一。沪深指数可跌至2000点。长远而言中国经济睇好：至于短期A股，作为价值投资者已系忍手时候，情况一如你睇好香港经济后市，亦唔使响1973年3月入市或1981年8月入市嘅道理一样。2005年6月开始上升嘅A股指数一直延续到今年1月，踏入2月情况迅速改变中，指数企于高位，易产生〃过山车〃现象。踏入今年2月，升浪已由短期震荡所取代，震仓行动刚刚开始，会维持几耐则木宰羊，相信唔系短期内可以完成。呢点可由本港机构投资者上周仍抛售H股将资金转移到本港地产股身上证明。依家QFII（合格境外机构投资者）喺境内资金只有九十多亿美元，上述资金对A股市价影响有限，因此只能影响本港上市嘅H股。
内地流动资金泛滥，形成股票估值方面泡沫化，今年估计纯利升幅只有26。8％，能否支持依家嘅三十八倍P/E？唔少专家已指出A股有泡沫，调整只系迟早嘅事。去年12月内地新开户口一百六十三万个，今年1月新开户口二百七十万个；今天每十五个中国人中就有一个投资者（香港每六个中有一个投资者）。大量新投资者进入市场，成为近月股市上升嘅力量，内地有五千万个以上嘅投资散户。亦系形成股市动荡嘅另一因素。临近春节，如股市继续下跌。对近期入市嘅新股民影响唔细；另一方面，唔少基金过去�