按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
国指止蚀位9466点
恒生国企指数由去年10月7000点，升至今年1月3日嘅10877。99，出现调整，下支持系1月11日嘅9466点。如9460点不破，后市睇好；反之，如9466点失守，便得小心【图】，恐怕由去年6月14日开始上升嘅H股喺今年1月3日见顶。换言之，国企指数9466点系H股嘅止蚀位。沪深A股止蚀位喺2750点，如果内地A股指数2750点失守，可以系好大件事也！
每年1月我老曹都会喺《信报》做好多展望，但今年例外，理由系我老曹对2007年既唔睇好亦唔睇淡；反之，美国十四间大行今年一致睇好，上一次十二间大行一致睇好系2000年。例如油价下调不利石油股，但有利汽车制造股、航空股同航运股。去年8月至今，上述股份早已牛气十足。
玉米升至十年高位，去年玉米价格已上升86％（同期CRB指数却回落9。6％），3月期货成四点一六五美元一蒲式耳，系1996年7月以来最高。全球存量去年9月底减少三分一至八千六百四十万公吨，主因系消耗量达七亿二千五百八十万公吨。过去七年有六年供不应求，玉米价格上升，令嗰D依赖玉米做原料嘅生物科技股面对成本上升压力。睇落玉米价格长期仲会上升，因美国用玉米去生产乙醇作为汽车燃料，取代石油。玉米价升。亦令部分股份受惠、部分股份受害。今年类似上述情况好多，即一个因素改变情况下，同时产生受惠股份及受害股份。今年应更加着重于点样拣股。对一间上市公司嘅最大诅咒系全部分析员一致睇好，因此宜小心H股表现！
H股短期仍以震荡调整为主。内地流动性资金过剩已到咗相当严重嘅地步，外汇储备已超过一万亿美元（八万亿元人民币）。央行只发行二万亿元票据，即系仲有六万亿元资金留喺市场；加上乘数效应，可产生三十万亿元嘅热钱在市场兴风作浪，导致2003年起房地产热及过去十八个月A股狂潮，令内地A股总市值突破十万亿元。经济学家吴敬琏认为。只要五分一热钱流入股市，把A股股价再推高200％亦唔奇，点样避免股市狂潮？已系内地当务之急。
偏高水平入市代价高
今年人民币再升值嘅幅度同速度，或会超过去年，系家吓流动性资金泛滥嘅最大成因。晌贸易顺差继续创新高嘅局面下，短期内难以根治。以基础分析，A股已偏离合理价，客观形势系股票短期难以骤然扩大供应，流入股市嘅资金却源源不绝，每日一千亿元嘅超大成交继续支持A股股价。内地投资者唔明白股价上升只系纸上富贵，只有套咗现才系真金白银。1973年香港唔少人经历过纸上富贵，到1974年12月已烟消云散：1997年更多人用市价计自住物业嘅价值，以为自己拥有一千几百万财富，2003年才知道原来自己系负资产。作为赌徒，一天未离开赌枱，唔好计自己有几多身家；作为投资者，一天未套现，所谓财富都只系纸上富贵，唔系真金白银。内地A股估值系咪合理？各有各睇。高盛报告认为，内地A股响今年仲可再升25％。
中国GDP未来十年如保持依家嘅速度增长，2016年将超越日本，到2031年将超越美国。1986年北京著名歌星崔健晌北京工人体育馆唱《一无所有》，到2006年短短二十年。中国创造咗两个〃一万亿美元〃嘅纪录，外汇储备打破一万亿美元，内地A股总值亦超过一万亿美元。中国前景当然睇好，因为二十一世纪系中国嘅。一如二十世纪系美国嘅一样。如果你晌1929年9月30日投资美股，当天道指381。17，整个三十年代及四十年代你都几悲惨；上述指数到1954年才打破。七十年代睇好香港亦好正确，但如阁下喺1973年3月9日恒生指数1774点时入市，下一次恒生指数升穿1800点之时系1980年5月。睇好中国嘅分析唔使争拗，但晌偏高水平入市，代价可以好大。
当上海人将屋契敚サ逼痰薄⒌敝泄寺蚱街纹狄趾蚓鸥鲈拢ㄏ愀凵弦淮温蚱街纹狄染鸥鲈拢�1997年8月），肯定有D唔妥。2007年中国人系咪一如1990年日本人？1990年曾见过唔少日本女士晌中环置地广场排队买LV手袋，今天亦有唔少内地女士去尖沙嘴海港中心选购LV手袋，人山人海，何其壮观也。
花旗亚太区首席经济学家黄益平预计。中国人民银行今年第一季将再度上调存款准备金率，继续遏制国内市场过多嘅流动资金。
2003年中国连续四年GDP平均增长率响10％以上，同期CPI升幅分别只有3％、3。9％、3％及不足2％。连续四年高增长低通胀，喺中国历史上比较长，甚至外国亦好少见。今年又点？近期粮价升幅唔细，而粮价占中国CPI三分一。中国眼前经济问题唔系GDP增长率，而系非均衡发展。出现非均衡发展系结构性问题，例如制造业本身生命周期已进入衰退期。开始进入重工业及技术进步、资本密集期，但中国却拥有七亿劳动人口。晌八十年代，中国GDP每增长一个百分点，就带来二百四十多万个就业职位；依家GDP每上升一个百分点，只带来九十多万个岗位……。工业进入重工化、技术进步化及资本密集化。需要嘅系高质素工人，中国却缺乏职业训练学校；反之，大学教育却唔少，大量培养出大学生，到社会却搵唔到工作。市场上需要嘅专业人才，中国培养出来嘅又唔多。今年中国经济就系面对呢种情况。2003年至今，中国喺固定资产投资上以超过25％速度增加，但消费需求远远追唔上。结果生产出来嘅产品只有低价出口到海外，造成大量外贸盈余及流动资金过剩。上述情况晌日本、南韩经济发展史上皆出现过，处理唔好可以出乱子。讲到内需，其实就系收入分配。中国十三亿人口中，60％系农村人口，大多数人响过去十年收入其实有显著增加，形成内需不足；加上教育费同医疗费过去十年大幅上升，形成储蓄率偏高，结果资金都涌去房地产及股票市场大炒特炒。上述唔系短期问题。如处理得唔好可以好湿滞。如人民币大幅升值，将影响出口，继而影响七亿劳动人口生计，所以人民币唔能够大幅升值；但每年只升5％，作用又唔大。另一问题系制造业升级走向重工化、技术进步、资本密集化，但中国人口素质未能提升，又应付唔嚟。虽然中国人行已一再收紧银根，但流动性资金实在太多，无法阻止其流入楼市及股市。可以讲今年中国经济已进入喜中带忧期，最后能否逃过Boam & Bust命运？我老曹木宰羊。
内地旧税重提威力待显
国家税务总局公布，2月1日起正式向房地产开发企业征收30…60％土地增值税。上述税项1993年已推出，但一直有正式征收。按照1993年嘅规定，土地增值实行四级超率累进税，即增值额未超过扣除项目金额50％者抽30％，未超过100％者税率40％，未超过200％者税率50％，超过200％者税率60％；一旦实施，势令地产公司纯利大幅减少。上述税项1993年系针对炒得炽热嘅房地产而制订，自1994年内地楼价下调后就不了了之；呢次旧税重提。唔知威力如何。
京城房地产继续升温，五环外房价已升至八千元一平方米。最近东二环开盘嘅〃北京上舍〃平均价每平方米一万一千元，较去年8月开盘嘅〃保利蔷薇〃平均价九千八百元又贵好多。去年1至11月全市住宅商品房施工面积五千八百三十七万八千平方米，较2005年同期下降10。1％；完工面积一千八百二十一万八千平方米，下降25。2％。去年11月底商品房空置面积八百九十一万二千平方米。下降20。4％；其中住宅占四百五十七万七千平方米，减少32。3％。
去年北京写字楼供应量一万六千三百七十六套，较2005年上升71％；2005年供应量共一百八十五万平方米，较2004年增加三十七万平方米，去年再上升至三百四十一万平方米，总空置率14％。估计今年北京写字楼供求已达平衡。
上海主要商铺租金去年平均升幅28。9％，平均租金去年12月系四点九美元一平方米一天。大批购物中心响去年落成，开始争租客。
上海工业用地短缺，过去两年售价亦急升。去年底上海康侨及华庄工业园区售价八百九十九元及七百五十八元一平方米，远高于无锡新区嘅四百四十九元及苏州工业园嘅一百八十元；张家港工业园一百三十五元一平方米。今年1月1日起，所有上海工业用地将通过拍卖、竞投或上市方式售卖，估计将进一步推高上海工业用地价，未来三至五�